GALAG-ის წევრთა საერთო კრება წყალტუბოში გაიმართა

საქართველოს ადგილობრივი ჯგუფების ასოციაციის (GALAG) წევრთა საერთო კრება ქალაქ წყალტუბოში გაიმართა.

LAG წყალტუბომ, კოლეგა LAG-ებთან ერთად, მონაწილეობა მიიღო GALAG-ის 2022 წლის სამოქმედო გეგმის შემუშავების პროცესში. სამუშაო შეხვედრაზე გაკეთდა საჭიროებებისა და შესაძლებლობების ანალიზი.

GALAG-ის წევრმა LAG-ებმა ხმათა უმრავლესობით მხარი დაუჭირეს ზემო სვანეთის ადგილობრივი განვითარების ჯგუფის GALAG-ში გაწევრიანებას.

ასევე, გავეცანით ახლადდაფუძნებული ზუგდიდის ადგილობრივი განვითარების ჯგუფის საქმიანობასა და გეგმებს.

GALAG-ში დღეისათვის 13 ადგილობრივი ჯგუფია გაწევრიანებული, საქართველოს სხვადასხვა რეგიონიდან.